Velosipedə necə qulluq edilməlidir?

Bu gün velosiped, idarə etmək üçün heç bir sənəd tələb etməyən ən əl çatan nəqliyyat vasitəsidir. Velosiped alınması isə sizi enerji və macəralar dolu böyük səyahətlərə qərar verməyə köməkçi ola bilər. Nəqliyyat vasitənizin uzun müddət sizə xoş emosiyalar yaşatması üçün düzgün qulluq etməyi bilməniz lazımdır.





Velosipedə niyə qulluq edilməlidir?

Velosiped bir çox insanların 2 təkərli dostuna çevrilib. Dostunuzun isə sizə problemlər və diskomfort yaratmadan xidmət etməsi üçün ona vaxtı vaxtında qulluq edilməlidir. Velosipedin qulluğu onu bir müddətdən bir yuyulması, lazımı hissələrin yağlanması və tənzimlənməsi anlamına gəlir. Və əsas məqamlardan biri velosipedinizi harada saxlayacağınızdır. Velosipedinizə qulluq etməsəniz, bu öz sırasında vacib ehtiyat hissələrin tez bir zamanda sıradan çıxmağına səbəb ola bilər. Bu isə müəyyən maddı xərclər tələb edən təmir tələb edəcək.

Velosipedin ümumi texniki baxışı

Velosipedin növləri çox olsa da, onların texniki baxışı, demək olar ki, eynidir. Bunların əsasında velosipedə necə qulluq olunacağını da bilmək olar.
Biz tövsiyə edirik, ki, hər gün velosiped sürülməzdən əvvəl vizual baxış keçirəsiniz. Əsas amillər isə bunlardır:

• Təkərlər (təyziqi yoxlanılmalıdır və düzgün bərkidilməlidir)
• Sükan (düz dayanmalı və laxlamamalıdır)
• Pedallar (dəs etməməli və rahat hərəkət etməlidir)
• Əyləc sistemi (effektivliyi yoxlanılmalıdır)

Əgər velosipeddən aktiv istifadə edirsinizsə, velosipedinizi müəyyən vaxtdan bir daha diqqətli baxışdan keçirməyiniz tövsiyə edirik. Ötürücü sisteminin yağlanması, bağlayıcı elementlərin sıxılması sizin təhlükəsizliyinizin zəmanətidir. Və təbii ki velosipedinizi rəsmi servis tərəfindən də yoxlanmalıdır. Bu daha incə məqamları aşkar etmək üçün vacibdir.

Velosipedin hər il olunması vacib olan servis texniki baxışı

Velosipedin illik texniki baxışı nədir? Təəssüf ki, qış aylarında velosipeddən aktiv istifadə etmək çətindir. Lakin hava şəraitindən asılı olmayaraq sürənlər də az deyil. Bu soyuq fəsildə sürməyənlər isə velosipedini isti aylara qədər gözləmək üçün hazırlaya bilmək üçün fürsətdir. Misal üçün, velosipedin böyük texniki baxışı ilə məşğul olmaq olar. Bu isə velosipedin tam sökülüb, təmizlənib, yağlanıb və yığılması anlamına gəlir.

Velosipedin təmizlənməsi və yağlanması

Avtomobildə olduğu kimi, velosipedi də servisə aparmazdan öncə vizual olaraq yuyulmalıdır.
Velosipedin yuyulması da sıradan bir proses deyil. Sadəcə velosipedinizi avtoyumaya verməklə iş bitmir. Məsələ orasındadır ki, velosipedin istehsalında istifadə olunan detallar və materiallar fərqlidir və fərqli yanaşma tələb edir. Buna əsasən, velosiped və ehtiyat hissələri istehsalçıları qulluq üçün sırf velosiped texnologiyaları nəzərə alınaraq istehsal olunan qulluq vasitələrini tövsiyə edir.

Velosiped üçün nəzərdə tutulmayan kimyavi maddələrdən istifadə edərək qulluq olunması velosipedin zahiri görünüşünə ziyan verə bilər, daha ağırı isə, velosipedin detallarını sıradan çıxmasına səbəb ola bilər. Qulluq vasitələrinin istehsalı zamanı sırf velosiped ehtiyat hissələrinin hazırlandığı materiallar və lak örtüyünün standartlarına cavab verən vasitələrdən istifadə olunmalıdır. Bu velosipedinizin daha uzun müddət gözəl və yeni kimi qalmasına, və sıradan çıxmamasına köməkçi olur.
Öz sırasında, velosiped qulluqu üçün Liqui Moly brendi öz seriyasını təklif edir.
Detallı təmizlənmə üçün: Velosiped təmizləyicisi "Liqui Moly Bike Cleaner" yüksək effektli, çox çirklənmiş velosipedlər üçün nəzərdə tutulub. Dərinə keçmiş çirkləri belə tez bir zamanda həll edərək aradan qaldırır. Yağ ləkələri saxlamır və əyləclərin effektivliyinə zədə yetirmir.

Velosiped zəncirinin yuyulması və təmizlənməsi

Bir çoxlarımız biliriki ki, avtomobillərdə müəyyən intervaldan bir mühərrik, sürətlər qutusu və reduktorların yağı dəyişilməlidir. Bu mexaniki hissələrin ömrünü uzadır və səssiz, sürtünməsiz işinə kömək edir. Velosiped mühərriklə təchiz olunmasa da, ötürücü pillələr sistemi vardır. İşin 99% yükü isə zəncirin üzərinə düşür.

Sövet dönəmində zəncir nələr ilə yağlayarmişlar?

• Mühərrik yağı
• Ötürücü sistemi yağı
• Nigrol
• Graffit yağı
• Solidol
• Litol
• Günəbaxan yağı
• …bu siyahı çox uzundur.

Əl altında nə var idi onunla da yağlayırdılar.
Bu səbəbdən də, düzgün aparılmayan yağlanma, vaxtından əvvəl yaranan problemlərə, zəncirin sınmasına, toz yığıb palçıq yaratmasına gətirib çixarırdı. Müasir velosipedlər isə daha üstün sistemlərlə təchiz olunduğu üçün həssasdırlar, belə davranışa dözmürlər.
Bu gün isə, yüzlərlə şirkətlər velosiped yağları istehsal edir. Və hal hazırda zəncirin və sistemin uzun ömrünü müxtəlif yağlayıcı vasitələrlə təmin etmək çox asandır.
Amma, bunu bilməlisiniz ki, velosipedin zəncin yağlanma proseduruna düzgün hazırlamaq lazımdır.

1. Zəncir düzgün təmizlənməlidir.
Nəzərə alın ki, istifadə edəcəyiniz vasitələr lak və rəng səthlərinə, plastik detallara neytral olmalıdır. Sərt təmizləyicilərdən istifadə daha ağır və bahalı təmirə gətirib çıxara bilər.
Təhlükəsiz və effektiv təmizlik üçün "Liqui Moly Brake & Chain Cleaner" tövsiyə edirik. Tez bir zamanda buxarlanır, iz saxlamır, palçığı, yağ qalıqlarını asanlıqla təmizləyir.
Əgər çirklənmələr mürəkkəbdirsə, yüngül, və yumşaq fırçalardan istifadə edə bilərsiniz. Heç bir halda metal fırçalardan istifadə etməyin.

2. Zəncir quru olmalıdır.
Yumşaq bir əski, yaxud microfibra ilə qurulayın. Fikir verin ki zəncirin üstündə su qalmasın.

3. Yağlayıcı məhsulu vurun.
Yağlayıcılar müxtəlif olur. Universal və yaxud hava şəraitinə görə fərqlənir. Universal məhsullar çox dərinə getmək istəməyən velosiped həvəskarları üçündür.
Belə hallar üçün universal zəncir yağı olan "Liqui Moly Chain Spray" tövsiyə edirik. O quru və nəm hava şəraitinə uyğundur. Nəmişlik, su qalıqlarını kənarlaşdırır, zəncirin hamar və yüngül işləməsini təmin edir. Metal hissələri korroziyadan qoruyur. Ekoloji olaraq təmiz məhsuldur.

Əgər velosipedinizdən daha çox performans istəyirsinizsə, hava şəraiti ilə fərqlənən yağlayıcılardan istifadə edin. Quru və tozlu olan hava üçün olduğu kimi, yağışlı hava şəraiti üçün də yağlar mövcüddur. Velosipedinizə qarşı bu tip professional qayğı daha düzgündür.
Bu məqamda da sizə öz istifadə etdiyimiz məhsulları tövsiyə edirik. "Liqui Moly Bike Dry Lube" quru havada, tozlu şəraitdə işləyən zəncirlər üçün əvəzolunmazdır. Xüsusi komponentlərdən ibarət və tərkibində yüksək yağlayıcı maddələrlə zəncirinizin artıq yeyintisinin qarşısını alır, yumşaqlıq təmin edir.

İkinci növ isə, "Liqui Moly Bike Wet Lube" nəm, yağışlı və qarlı hava üçün nəzərdə tutulub. Su ilə yuyulmaya davamlı bu yağ, paltarlarınızla təmasda belə çirkləndirmir. Adətən qiymət baxımından nəm hava üçün olan yağlar bir az daha bahadır, amma qat-qat effektivdir. Təbii ki, zəncirin metal elementlərini paslanmadan qoruyur.
Bu yağlar universal yağlardan daha az sərf olunur.

Əyləc sisteminin baxımı

Necə deyərlər, əyləc sistemini *qorxaqlar* yaratsa da, velosipedlər də əyləc sistemi ilə təchiz olunub. Ən populyar sistem də disk əyləcli sistemdir. Quruluşundan asılı olmayaraq, əyləc sistemi də düzgün baxım tələb edir.

1. Ən primitiv əyləc sistemi baraban sistemidir. Ayaq əyləci də deyilir.
Bu əyləc növü demək olar ki baxış tələb etmir. Çünki tam bağlı sistemdir. Ümumi texniki baxış zamanı açılıb yuyulub yağlanmalıdır.

2. Baraban sistemindən daha çox tanınan V-brake əyləc sistemi.
Çox sadə və asan təmir olunan sistemin baxımı da asandır. Ən əsas məqam, hər sürüşdən əvvəl vizual baxış keçirməkdir. Trosların yerindən çıxmamasına əmin olandan sonra sürmək olar. Texniki baxışlar zamanı disk təmizlənməli, troslar yağlanmalı, ehtiyac olduqda isə komponentlər dəyişməlidir.
Bu növ baxım tələb edən sistem üçün universal olan "Liqui Moly Brake & Chain Cleaner" mükəmməl bir vasitədir. Palçıq, çirk və pası asanlıqla təmizləyir iz salmadan quruyur. Ən çətin və əl çatan yerlərə belə asanlıqla təsir göstərir.

3. Disk əyləcləri isə velosiped aləminə motosikletlərdən gəlib.
Özəlliyi, digər sistemlərdən daha effektli, və qiymət baxımından daha üstün olmasıdır. Sonradan modifikasıya olunaraq hidravlik növü daha populyarlaşıb. Bu növ isə xüsusi diqqət tələb edir.

Çətin texnologiyalar — Sadə baxım!