Velosiped növləri

Yaz ayları gələn kimi velosiped sürmək vaxtı başlayır. Bu o deməkdir ki, özünüz üçün ideal model axtarmağı zamanıdır. İlk olaraq, harada sürəcəyinizi təyin etməlisiniz. Buna görə gəlin velosipedləri təyinatları üzrə sıralayaq.





Şosse velosipedləri 

Bu velosiped növü bir çox yarışlarda istifadə olunur. Həm yüngül qısa məsafəli yarışlar, həm də qlobal, dünya səviyyəli, uzun məsafəli, etaplarla olan yarışlarda. Velosipedin quruluşu həm çempionat üçün, həm də şəhər daxilində cəld hərəkət etmək üçün uyğundur. Bu tip velosipedlər çox da rahat olmur, çünki sürət üçün rahatçılığ qurban verilmiş olur.

Şosse velosipedlərin digər modellərdən fərqləndirən əsas amillər:
• Aerodinamik sükan
• Yüngül, eyni zamanda sərt və qısaldılmış çərçivə
• Amortizator yaylarının olmaması
• Yüngül çəki.
 
Nümunə: 
Trek Emonda SLR 9 eTap 2022
Cube Attain GTC Race 2021
Cube Attain 2021


Səyahət velosipedləri 

Səyahət velosipedləri uzun yürüşlərdə maksimal rahatlıq təmin etmək üçün dizayn olunub və uyğun aksesuarlarla təmin olunub. Xüsusi olaraq çantalarınızı asanlıqla yerləşdirmək üçün yük yeri ilə təmin olunur. Bu modellərdə çətinlikləri qət etmək üçün və daha dayanıqlı olması üçün qalın və enli şinlərlə təmin olunur, və bu öz sırasında yürüşlərə rahatlıq qatır.

Konstruksiyanın əsasları :
• Yüksək yumuşaqlıqlı oturacaqlar;
• Şosse velosipedlərinə nisbətən qalın şinlər;
• Həm yolsuzluq, həm də asfalt örtüklər üçün nəzərdə tutulmuş şinlər;
• Əsasən V-Brake tipli əyləclər istifadə olunur;
• Uzadılmlş çərçivə;
• Çoxpilləli transmissiya.

Nümunə:
Cube Touring 2021
Cube Ella Cruise 2021


Dağ velosipedləri 

Daha çox tanınmış velosiped növüdür, həm peşəkar idmançılar, həm də həvəskar sürücülər tərəfindən istifadə olunur. Əvvəlcədən tam yolsuzluqda komfortlu hərəkət etmək üçün yaradılmış bu model, son zamanlarda daha çox şəhər daxilində qarşımıza çıxır.

Velosipedin xüsusiyyətləri:
• Daha enli və möhkəm çərçivə;
• Enli şinlərlə təchiz olunmuş təkərlər;
• Çoxpilləli ötürücü sistemi;
• Amortizatorlu maşa.
• Disk tipli əyləc sistemi.
• İstifadə istiqamətlərindən asılı olaraq, velosipedləri işıqlandırma aksessuarları, palçığdan qorunma qanadları, ayaqlıq, yük baqajları və s. Aksessuarlarla tamamlamaq imkanı var.

Nümunə:
Cube Attention 2021
Trek Marlin 5 2022
Trek X-Caliber 8 2021


Hibrid

Hibrid velosipedləri, əsasən şosse və dağ velosipedinin funksionallığını bir modeldə cəmləşdirir. Nəticədə isə, həm şəhər daxilində sürətli və rahat hərəkət etməsi mümkün olan, həm də yolsuzluqda idarə oluna bilən bir velosiped ortaya çıxır.
Şosse velosipedlərinə xas olan 28 ölçülü təkərlər və oxşar çərçivə üzərinə dağ velosipedindən götürülmüş düz formada olan sükan və daha böyük intervalı olan ötürücü sistemi hətta çətin əraziləri belə rahatlıqla keçmək imkanı yaradır.

Nümunə:
Cube Nature Pro 2021
Dual Sport 4 2021


Gravel velosipedləri

Bu velosiped növü yolsuzluqda sürətli hərəkət üçün yaradılıb. Möhkəm və yüngül çərçivə, spesifik oturuş bucağı və güvənəli disk əyləc sistemi ilə təchiz olunur. Velosipedin yüngüllüyü onu asanlıqla çiyində daşımaq imkanı verir.
Əksər hallarda bu modellər universal nəqliyyat vasitəsi kimi istifadə olunur. Ehtiyac olduqda, velosipedi palçıqdan qorunma qanadları və baqajla təmin etmək mümkündür.

Nümunə:
Cube Nuroad EX 2021
Cube Nuroad Pro 2021
Cube Nuroad Race 2021


Elektrik velosiped

Elektrik velosipedləri standart velosipedlərlə eyni kateqoriyaya aid eləmək çətindir. Siz pedalları firlayan zaman mühərrik sizə kömək edir və siz ayağınıza qat-qat az güc verməli olursunuz. Bütün bu sistem çərçivədə yerləşdirilmiş batareyadan güc alır, və kontrollerlər vasitəsi ilə tənzimlənir.
Çərçivədə yerləşdirilən avadanlıqlar velosipedin çəkisini hiss olunacaq qədər artırır. Lakin mühərrik sayəsində bu tip velosipedlərlə yoxuş qaxmaq standart velosipeddən belə az güc tələb edir.

Nümunə:
Cube Stereo Hybrid 120 Race 625 2022
Cube Stereo Hybrid 140 HPC 625 2021


Trek velosipedləri (Time Trial)

Trek velosipedləri xüsusi konstruksiya həndəsəsinə malikdir. Bu konstruksiya professional yarişlarda istifadə olunmaq üçündür. Yüksək aerodinamikaya malik olan velosipedlər vaxt əsasında olan yarışlarda sürülür.
Komfortlu oturuş bucağını təmin etmək üçün, xüsusi oturacaq və sükan istifadə olunur. Bunların köməyi ilə idmançı istənilən döngələrə asanlıqla sahib ola bilər.
Trek velosipedləri ən yüngül velosipedlərdəndir.

Nümunə:
Trek Speed Concept 2021 Red
Trek Speed Concept 2021 Black